CREMATION: Gawain ba ng Bayan ng Dios?

Ang Cremation ay isang paraan ng pagdi dispose ng bangkay kung saan ang labi ng isang namatay ay sinusunog hanggang maabo, na ang abo ay inilalagay sa isang lalagyan o kaya naman ay isinasaboy sa lupa o sa dagat o ilog.

Kaya di naiiwasang itanong ng iba, kung ang mga kaanib raw ba sa Iglesia Ni Cristo ay nagke Cremate din ng labi ng kanilang mga kaanak?

Ang Pagsusunog ba ng Bangkay o Cremation ay gawain ng mga Lingkod ng Dios?

Alamin natin mula sa Biblia, nang mamatay ang mga Lingkod ng Dios, ano ang ginawa sa kanilang bangkay?

SA PANAHON NG MGA PATRIARKA:

Nang mamatay si Sara na asawa ni Abraham siya ay inilibing ...Gen.23:19

AT ng mamatay si Abraham ang kanyang bangkay gaya ng ginawa kay Sara ay inilibing din ...Gen.25-7-10

Ganon din ang ginawa sa mga buto ni Jose na kanilang inilabas sa Egipto at ang mga buto ay inilibing sa Sichem... Josue 24:32

Sa Panahong ito ng mga Patriarka o mga Magulang ang paraan ng pag di dispose ng bangkay ay sa pamamagitan ng Paglilibing at Hindi sa pamamagitan ng Pagsunog o Cremation.

PANAHON NG MGA PROPETA:

Ano rin ang kaugalian ng mga Israelita tungkol sa pagdi dispose ng bangkay?

Nang mamatay si Josue siya ay inilibing ... Josue 24:29-30

Si Moises ng mamatay ay mismong ang Dios ang naglibing sa kanya sa Moab ... Deut. 34:5-6

Si Haring David ng mamatay ay inilibing din ... 1 Hari 2:10-12

Na sa paglilibing ay iniimbalsamo o nilalagyan ng balsamo ang bangkay gaya ng ginawa sa bangkay ni Jacob ... Gen. 50:2

Ang Paglilibing ba sa bangkay ay nagpatuloy hanggang sa Panahong Cristiano?

SA PANAHONG CRISTIANO:

Nang mamatay si Lazaro na kaibigan ng Panginoon ang kanyang katawan ay inilibing sa isang libingan ...Juan 11:38. 

Nang mamatay naman ang Panginoong Jesucristo siya ay inilibing din na ginamitan ng pabango o balsamo ... Juan 19:40

Kaya mula pa noong una sa panahon pa ng mga Patriarka hanggang panahong Cristiano ang mga bangkay ay inililibing na siyang paraan ng pag didispose sa mga labi ng kanilang kaanak at di ginawa ang Cremation.

May naitala po ba sa Biblia na pagsusunog ng bangkay o cremation sa panahon noon?

May naitalang pagsusunog ng bangkay na ginawa ng taga Jabes-Galaad, ang ginawang pagsunog sa bangkay nina Saul at ng kanyang mga anak na pagkatapos sunugin ang mga buto ay inilibing sa ilalim ng isang puno...I Sam. 31:12.

Bakit sinunog nila ang bangkay ni Saul at ng kanyang mga anak? Sapagkat ng makuha nila ang mga bangkay sa mga kuta ng Filisteo ito ay nabubulok na kaya upang di mawalan ng karangalan ang kanilang hari ito ay kanilang sinunog at ang mga buto ay inilibing sa ilalim ng isang puno.

Kaya di maaaring gawing halimbawa ang pagsunog sa bangkay nina Saul para sabihing ang Cremation ay pinahihintulotan ng Biblia. Sinunog iyon dahil hinihingi ng pagkakataon.

Kaya sa Iglesia Ni Cristo ang paraan ng pagdi dispose ng bangkay ay sa pamamagitan ng paglilibing at hindi Cremation. Hindi gawain ng mga Lingkod ng Dios ang pag Cremate ng bangkay.

Bakit ang Paraang paglilibing ay di marapat baguhin? Ano ba ang ina aninuhan ng gawang Paglilibing? Ito ay Anino ng ginagawang Pagbabautismo sa Panahon natin. Sa Roma 6:4:

"Tayo nga'y nangalibing na kalakip niya sa pamamagitan ng bautismo sa kamatayan: na kung paanong si Cristo ay nabuhay na maguli sa mga patay sa pamamagitan ng kaluwalhatian ng Ama, ay gayon din naman tayo'y makalalakad sa panibagong buhay."

(invictus)